Зиёда аз 20 ҳазор мард ва беш аз 25 ҳазор зан дар Тоҷикистон диабети қанд доранд

0
143

Зиёда аз 20 ҳазор мард ва беш аз 25 ҳазор зан дар Тоҷикистон диабети қанд доранд

Вазири беҳдошти Тоҷикистон Насим Олимзода ва сафири Туркия дар Тоҷикистон барои ба табобати босамар фаро гирифтани маризони диабети қанд як Маркази муосири тиббӣ ифтитоҳ намуданд

ДУШАНБЕ, 27 фев — Sputnik. Вазорати тандурустии Тоҷикистон дар ҳамдастӣ бо созмони ТИКА дар шаҳри Душанбе Маркази муосири диабети қандро ба истифода доданд.

Дар маросими кушодашавии маркази мазкур, ки рӯзи 26 – уми феврал иттифоқ афтода буд, Вазири беҳдошти кишвар Насим Олимзода ва сафири Туркия дар Тоҷикистон Алӣ Рафъат Кёксал иштирок намуданд.

Маркази мазкур барои табобати маризони диабети қанд бунёд гардидааст.

Ба маълумоти Вазорати тандурустии Тоҷикистон, агар соли 2018 шумораи гирифторони диабети қанд дар кишвар 44 018 нафар буд, соли 2019 ин рақам то 46258 нафар афзун шуд.

Манбаъ меафзояд, 876 кӯдаки то 18 – сола низ дар Тоҷикистон  мубталои маризии диабети қанд мебошанд.

Гуфта мешавад, феълан  дар Муассисаи давлатии “Маркази ҷумҳуриявии клиникии эндокринологӣ”- и Вазорати тандурустӣ 77 410 шишачаи инсулин захира карда шудааст.

Источник: sputnik-tj.com