Ташрифи Ҳайати ХБА ба ҶСК “НБО Роғун”

0
30

Ҳайати намояндагии Хазинаи Байналмилалии Асъор таҳти сарварии роҳбари Ҳайати ХБА оид ба Тоҷикистон хонум Падамжа Ханделвал ба Тоҷикистон ташриф овард.

Дар доираи ташрифи худ ба Тоҷикистон Ҳайати намояндагии Хазинаи Байналмилалии Асъор таҳти сарварии хонум Падамжа Ханделвал дар баробари шиносоӣ бо вазъи макроиқтисодии кишвар, инчунин ба ҶСК “НБО Роғун” ҷиҳати шиносоӣ бо корҳои сохтмонӣ аз ин иншооти бузурги стратегӣ сафар карданд.

Ташрифи Ҳайати ХБА ба ҶСК “НБО Роғун”

Ҳайати намояндагии Хазинаи Байналмилалии Асъорро ба ҶСК “НБО Роғун” Муовини якуми Раиси Бонки миллии Тоҷикистон Ҷамолиддин Нуралиев ҳамроҳӣ намуд.

Зимни ташриф ба ҶСК “НБО Роғун” бо Ҳайати ХБА мулоқот доир гардид. Дар ибтидо Муовини якуми Раиси Бонки миллии Тоҷикистон Ҷамолиддин Нуралиев оид ба нерӯгоҳи обии барқии Роғун, аҳамият ва нақши он дар рушди иқтисодиёти Тоҷикистон ва мавқеи он барои минтақаи Осиёи Марказӣ, зарурати ҷалби сармоягузорӣ баҳри расидан ба ҳадафҳои рушд изҳори назар кард.

Ташрифи Ҳайати ХБА ба ҶСК “НБО Роғун”

Дар идома, муовини директори ҶСК “НБО Роғун” Маҳмадсаид Шамсуллозода дар бораи таҳияи лоиҳаи ин иншоот, хусусиятҳои техникӣ, гидроэнергетикӣ ва аз ҷиҳати техникӣ, сейсмикӣ устувор будани он маълумоти муфассал манзур намуд.

Ташрифи Ҳайати ХБА ба ҶСК “НБО Роғун”

Роҳбари Ҳайати ХБА оид ба Тоҷикистон хонум Падамжа Ханделвал баъди шиносоӣ бо корҳои сохтмонӣ зимни ташриф аз иншоотҳои сохтмонии НБО Роғун лоиҳаи мазкурро иншооти хеле бузург ва стратегӣ арзёбӣ намуда, изҳор дошт, ки Тоҷикистон кори хеле бузургро азм кардааст.

Ташрифи Ҳайати ХБА ба ҶСК “НБО Роғун”

Дар баробари ин, дар рафти муҳокимаи пурмуҳтаво хонум Падамжа Ханделвал ба суолҳои худ оид ба хусусиятҳои иқтисодии лоиҳа, қудрати истеҳсол ва содироти қувваи барқ баъди анҷом ёфтани иншоот посухҳои мушаххас гирифт.

Ташрифи Ҳайати ХБА ба ҶСК “НБО Роғун”

Боиси тазаккур аст, Ҳайати Хазинаи байналмилалии асъор таҳти роҳбарии хонум Падамжа Ханделвал, ки роҳбари ХБА оид ба Ҷумҳурии Тоҷикистон маҳсуб меёбад, аз санаи 12 то 23 майи соли 2018 бо мақсади шиносоӣ аз вазъи иқтисодӣ, аз ҷумла низоми бонкӣ ҷиҳати таҳияи шарҳи иқтисодӣ оид ба Ҷумҳурии Тоҷикистон, бо сафари корӣ дар кишвари мо қарор доранд.

Шуъбаи матбуоти БМТ

Источник: nbt.tj