Ташаккул ва фаъол намудани бозори аввалияи коғазҳои қиматноки давлатӣ дар Тоҷикистон

0
7

22 октябри соли 2019 Муовини якуми Раиси Бонки миллии Тоҷикистон Ҷамолиддин Нуралиев бо Муовини якуми директори Департаменти рушди асъори миллӣ ва бозори сармояи Бонки Аврупоии Таҷдид ва Рушд (БАТР) ҷаноби Ҷим Тёрнбулл мулоқоти корӣ анҷом дод.

Ташаккул ва фаъол намудани бозори аввалияи коғазҳои қиматноки давлатӣ дар Тоҷикистон

Зимни вохӯрӣ ҷонибҳо масъалаҳои сиёсати пулию қарзии мамлакат, аз ҷумла, тавсеаи бозори коғазҳои қиматноки давлатӣ, баҳодиҳии низоми бозори аввалияи коғазҳои қиматноки Ҷумҳурии Тоҷикистон дар доираи ҳамкории техникии БАТР ва Вазорати молияи Ҷумҳурии Тоҷикистон тибқи лоиҳаи “Ислоҳоти ҳуқуқии бозори сармоя дар Ҷумҳурии Қирғизистон, Тоҷикистон ва Муғулистон”-ро мавриди баррасӣ қарор доданд.

Ташаккул ва фаъол намудани бозори аввалияи коғазҳои қиматноки давлатӣ дар Тоҷикистон

Муовини якуми Раиси Бонки миллии Тоҷикистон Ҷамолиддин Нуралиев аз натиҷаи ҳамкориҳои самарабахши Бонки миллии Тоҷикистон ва БАТР изҳори қаноатмандӣ карда, гуфт: “Барориши коғазҳои қиматноки давлатӣ яке аз фишангҳои асосии низоми молиявии кишвар ба ҳисоб рафта, ҳамчун механизми иловагӣ барои танзими буҷети давлатӣ аз ҳисоби диверсификатсияи манбаи ҷалби сармоя ба буҷети давлатӣ ва рушд додани бозори пардохтпазирии молиявӣ мусоидат менамояд. Дар баробари ин, қоғазҳои қиматнок ҳамчун фишанги ғайримустақими сиёсати пулию қарзӣ ба ҳисоб рафта, ба Бонки миллии Тоҷикистон имкон медиҳад, ки пардохтпазирии низоми бонкиро танзим намуда, бозори аввалияи коғазҳои қиматнокро фаъол намояд. Дар натиҷаи беҳтар намудани шарту шароити анҷом додани амалиётҳо барои иштирокчиёни касбии бозори коғазҳои қиматнок, самаранокии татбиқи сиёсати пулию қарзӣ таъмин гардида, дар самти рушди бозори коғазҳои қиматнок қадамҳои устувор гузошта мешавад. Таҷрибаи ҷаҳонӣ нишон медиҳад, ки бозори муташаккили коғазҳои киматноки давлатӣ омили пешбарандаи иқтисодиёт буда, метавонад ба рушди бозори коғазҳои қиматноки бахши хусусӣ, баланд бардоштани сатҳи тиҷорати касбӣ ва беҳтар гардидани фазои сармоягузорӣ мусоидат намояд”.

Ташаккул ва фаъол намудани бозори аввалияи коғазҳои қиматноки давлатӣ дар Тоҷикистон

Директори Департаменти рушди асъори миллӣ ва бозори сармояи БАТР ҷаноби Ҷим Тёрнбулл дар навбати худ ба тавсеаи ҳамкориҳои дуҷониба, аз ҷумла вусъат додани фаъолияти бозори аввалия ва дуюмдараҷаи коғазҳои қиматноки давлатӣ ва саҳми Бонки миллии Тоҷикистон дар он изҳори ҳавасмандӣ кард. Номбурда барои рушди бозори коғазҳои қиматноки давлатӣ тавассути зиёд кардани иштирокдорони бозор ва муҳайё кардани заминаи ҳуқуқии он, бо ин васила ба танзим даровардани сиёсати буҷети давлатӣ ва қарзи берунаи Ҷумҳурии Тоҷикистон омодагии хешро дар доираи фаъолияти Гурӯҳи кории байниидоравӣ оид ба бозори пул ва бозори сармоя дар Тоҷикистон изҳор намуд.

Мавриди зикр аст, ки дар вохӯрии мазкур инчунин мутахассиси кор бо институтҳои молиявии намояндагии БАТР дар Ҷумҳурии Тоҷикистон ва роҳбарони воҳидҳои сохтории БМТ ширкат доштанд.

Шуъбаи матбуоти БМТ

Источник: nbt.tj