Таҷлили ҷашни Рӯзи театри тоҷик дар Душанбе

0
172

Таҷлили ҷашни Рӯзи театри тоҷик дар Душанбе

Ҳамасола 7 ноябр дар Тоҷикистон Рӯзи театри тоҷик таҷлил мешавад. Тибқи сарчашмаҳои таърихӣ бори аввал дар ҳамин рӯзи соли 1929 театри тоҷик ба фаъолият оғоз намуд

ДУШАНБЕ, 6 ноя — Sputnik. Бино бар иттилои дафтари матбуоти Вазорати фарҳанги Тоҷикистон, рӯзи 7 ноябри соли равон соати 17:30 дар Театри давлатии академии драмавии ба номи Абулқосими Лоҳутӣ ба ифтихори Рӯзи театри тоҷик барномаи идона баргузор мегардад.

Тавре манбаъ қайд намудааст, дар барномаи идона, ки бо иштироки доираи васеи собиқадорону кормандони театрҳои мухталиф, намояндагони васоити ахбори омма ва мухлисони театр сурат мегира, намоиши аксҳо ва либосҳои саҳнавӣ, табрикоти расмии роҳбарияти соҳаи фарҳанг ва табрикоти бадеии гурӯҳҳои театрӣ аз пойтахти кишвар ва минтақаҳои гуногуни диёрамон дар назар аст.

Ёдрас мешавем, ки  Ҳамасола 7 ноябр дар Ҷумҳурии Тоҷикистон Рӯзи театри тоҷик таҷлил мешавад. Тибқи сарчашмаҳои таърихӣ бори аввал дар ҳамин рӯзи соли 1929 театри тоҷик ба фаъолият оғоз намуд.

Источник: sputnik-tj.com