Суғд: ду корманди милиса ҳангоми гирифтани пора дар ҳаҷми 10 ҳазор доллар дастгир гардиданд

0
97

Суғд: ду корманди милиса ҳангоми  гирифтани пора дар ҳаҷми 10 ҳазор доллар дастгир гардиданд

ДУШАНБЕ, 24.04.2020. /АМИТ «Ховар»/. Муфаттиши шуъбаи тафтишотӣ ва ваколатдори калони фаврии Раёсати Вазорати корҳои дохилии Ҷумҳурии Тоҷикистон дар вилояти Суғд бо ҷурми гирифтани пора дар ҳаҷми 10 ҳазор доллари америкоӣ дастгир гардиданд. Дар ин бора АМИТ «Ховар» бо истинод ба маркази матбуоти Агентии назорати давлатии молиявӣ ва мубориза бо коррупсияи Ҷумҳурии Тоҷикистон хабар медиҳад.

Номбурдагон моҳи феврали соли 2020 аз шаҳрванд Ҳ.А. барои нисбат ба ӯ оғоз накардани парвандаи ҷиноятӣ ба ин амал даст задаанд.

Боздоштшудагон аз номбурда дар хусуси гӯё бо роҳи дуздӣ аз Россия ба Тоҷикистон воситаи нақлиёт ворид намуда бошад, ҳазор доллари америкоӣ талаб намуда, гирифтаанд.

«Инчунин бо ҳамин роҳ аз шаҳрванд И.Ш. низ нуҳ ҳазор доллари америкоиро  тасарруф намудаанд», омадааст дар иттилоияи Агентӣ.

Оид ба ҳолати мазкур нисбат ба дастгиршудагон бо моддаи 247, қисми 4 банди «б» Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад.

Источник: khovar.tj