Роҳро кушоданд: бештар аз 650 шаҳрванди Тоҷикистон аз Ӯзбекистону Қазоқистон оварда шуданд

0
90

Роҳро кушоданд: бештар аз 650 шаҳрванди Тоҷикистон аз Ӯзбекистону Қазоқистон оварда шуданд

Садҳо шаҳрванди Тоҷикистон, ки дар марзи кишварҳои Ӯзбекистону Қирғизистон дар монда буданд, ба ватан оварда шуданд. мақомоти ин кишвар махсус барои дармондагон роҳро кушоданд

ДУШАНБЕ, 20 июн — Sputnik. Бештар аз 650 шаҳрванди Тоҷикистон аз Ӯзбекистону Қазоқистон оварда шуданд, хабар медиҳад Вазорати корҳои хориҷии Тоҷикистон.

Бино бар иттилои манбаъ, имрӯз, 20 июн 553 шаҳрванди Тоҷикистон, ки бинобар баста будани марзҳо дар гузаргоҳи “Жибек Жоли”-и сарҳади давлатии Ҷумҳурии Қазоқистон бо Ҷумҳурии Ӯзбекистон муваққатан дармонда буданд, ба Ватан баргардонида шуданд. 

Бино ба маълумоти Вазорати корҳои хориҷии Ҷумҳурии Тоҷикистон, инчунин имрӯз беш аз 100 шаҳрванди кишвар, ки дар Ҷумҳурии Ӯзбекистон қарор доштанд, ба Тоҷикистон оварда шуданд.

“Дар ин росто ба мақомоти Ҷумҳурии Қазоқистон ва Ҷумҳурии Ӯзбекистон дар мусоидати фаврӣ ҷиҳати убури бемамониати сарҳад ва ташкили долони транзитии мустақим барои ҳаракати шаҳрвандони кишвар ва ба Созмони ҷаҳонии муҳоҷират барои мусоидат дар пешниҳоди воситаҳои нақлиёт барои интиқоли ҳамватанон изҳори сипос мегардад”,- таъкид намуданд дар Вазорати корҳои хориҷии Ҷумҳурии Тоҷикистон.

Источник: sputnik-tj.com