Роҳбарони хадамоти махсуси кишварҳои ИДМ вазъият дар Осиёи Марказиро баррасӣ мекунанд

0
136

Роҳбарони хадамоти махсуси кишварҳои ИДМ вазъият дар Осиёи Марказиро баррасӣ мекунанд

ДУШАНБЕ, 07.11.2019 /АМИТ «Ховар»/. Роҳбарони мақомоти амниятӣ ва хадамоти махсуси кишварҳои Иттиҳоди Давлатҳои Мустақил (ИДМ) 7 ноябр дар Тошканд ҷамъ омада, таъсири вазъи шимоли Афғонистон ба вазъият дар Осиёи Марказиро баррасӣ мекунанд. Дар ин бора АМИТ «Ховар» бо истинод ба «РИА Новости» хабар медиҳад.

«7 ноябр дар Тошканд (Ҷумҳурии Ӯзбекистон) ҷаласаи 47-уми Шӯрои роҳбарони мақомоти амният ва хадамоти махсуси давлатҳои узви Иттиҳоди Давлатҳои Мустақил баргузор мешавад. Ҷаласа дар Ҷумҳурии Ӯзбекистон бори аввал баргузор мегардад», — омадааст дар хабар.

Зикр шудааст, ки диққати асосӣ ба ҳамкорӣ дар мубориза бар зидди терроризми байналмилалӣ ва ҷинояткории муташаккили фаромиллӣ дода мешавад. Роҳбарони хадамоти махсуси ИДМ вазъияти шимоли Афғонистон ва таъсири он ба вазъият дар Осиёи Марказиро муҳокима хоҳанд кард.

«Зарур аст, ки чораҳои иловагӣ дар самти муқовимат ба фаъолияти террористӣ, инчунин роҳ надодан ба ангезаи бадбинии байни миллатҳо ва мазҳабҳо дар кишварҳои мо роҳандозӣ карда шаванд», — илова намуд манбаъ.

Афғонистон манбаи асосии таҳдидҳои террористӣ барои кишварҳои Осиёи Марказӣ боқӣ мемонад. Террористон кишварҳои ин минтақаро ҳамчун пойгоҳи ҷалбкунанда барои пур сохтани сафи худ ва паҳн намудани идеологияи тундгароии исломӣ медонанд. Тибқи маълумоти хадамоти махсус, дар Афғонистон якчанд ҳазор ҷангҷӯён ҳастанд, ки худро бо созмони террористии байналмилалии «Давлати исломӣ» (мамнӯъ дар Тоҷикистон) пайванд медонанд.

Источник: khovar.tj