Машваратҳои байниҳукуматӣ оид ба рушди ҳамкории дуҷониба байни Тоҷикистон ва Германия доир шуданд

0
117

Машваратҳои байниҳукуматӣ оид ба рушди ҳамкории дуҷониба байни Тоҷикистон ва Германия доир шуданд

ДУШАНБЕ, 05.11.2019 /АМИТ «Ховар»/. 5 ноябр дар шаҳри Душанбе ҷаласаи машваратҳои байниҳукуматӣ оид ба рушди ҳамкории дуҷониба байни Ҳукумати Ҷумҳурии Тоҷикистон ва Ҳукумати Федеративии Германия баргузор гардиданд.

Ҳайати Ҷумҳурии Тоҷикистонро сардори Раёсати ҳамкорӣ бо Созмони Умумиҷаҳонии Савдои Вазорати рушди иқтисод ва савдои Ҷумҳурии Тоҷикистон Абдураҳмон Абдураҳмонзода ва Ҷумҳурии Федеративии Германияро референт оид ба Ҷумҳурии Тоҷикистон ва Осиёи Марказӣ дар Вазорати ҳамкории иқтисодӣ ва рушди Германия Клаус Тансбергер роҳбарӣ намуданд.

Гуфтушунидҳо дар фазои дӯстона ва созанда сурат гирифта, масоили мубрами ҳамкории дуҷониба ва роҳҳои густариши онҳо барои рушди соҳаҳои афзалиятноки иқтисодиёти мамлакат баррасӣ шуданд.

Зикр гардид, ки яке аз натиҷаҳои муваффақонаи гуфтушунидҳои байниҳукуматӣ-ин ба имзо расидани Созишномаҳои ҳамкории молиявӣ ва техникӣ дар бораи ҷудо кардани маблағ дар ҳаҷми тахминан 31 миллион евро барои татбиқи  лоиҳаҳои дуҷониба мебошад. Аз  ҷумла, дар доираи гуфтушунидҳо барои амалисозии Неругоҳи барқи обии «Себзор» Ҳукумати Ҷумҳурии Федеративии Германия дар ҳаҷми 17 миллион евро маблағҳои грантӣ ҷудо намуд.

Машваратҳои байниҳукуматӣ оид ба рушди ҳамкории дуҷониба байни Тоҷикистон ва Германия доир шуданд Машваратҳои байниҳукуматӣ оид ба рушди ҳамкории дуҷониба байни Тоҷикистон ва Германия доир шуданд

Дар доираи  машваратҳои байниҳукуматӣ ба соҳаҳои иҷтимоӣ, аз ҷумла соҳаи тандурустӣ таваҷҷуҳи махсус зоҳир карда шуд.  Ҷонибҳо тасдиқ карданд, ки барномаҳои самти асосии ҳамкорӣ дар соҳаи тандурустӣ ба паст кардани сатҳи фавти модарону кӯдакон ва мубориза бо бемориҳои сирояткунанда дар Тоҷикистон мусоидат менамояд. Ба мувофиқа расида шуд, ки гуфтушунидҳои навбатии байниҳукуматӣ соли 2020 дар Берлин баргузор карда шаванд. Аз  натиҷаи  машваратҳо санади дуҷониба ба имзо расид.

Источник: khovar.tj