Мӯди 100 соли охир: дар Душанбе “Chakan fashion show” баргузор мешавад

0
193

Мӯди 100 соли охир: дар Душанбе "Chakan fashion show" баргузор мешавад

Дар шаҳри Душанбе, чорабинии диданӣ – “Chakan fashion show” баргузор мешавад. Беш аз 500 навъи чакан пешкаши тамошобинон мегардад

ДУШАНБЕ, 25 фев — Sputnik. Рӯзи З март дар шаҳри Душанбе намоиши маҷмӯъи нави пироҳанҳои “Хонаи мӯд”-и тарроҳи машҳур Хуршед Сатторов доир мегардад.

Намоиши мазкур  ба Солҳои рушди деҳот, сайёҳӣ ва ҳунарҳои мардумӣ бахшида шуда он таҳти унвони “Chakan fashion show” мегузарад.

Дар ин бора тарроҳ Хуршед Сатторов ба иттилоъ дод.

“Дар ин намоиш, мо мӯди 100 соли охири халқи тоҷикро нишон медиҳем. Беш аз 500 навъи пироҳанҳои чакан ба намоиш гузошта мешавад, ки ҳар яки онҳо дастдӯхт мебошад”, – гуфт Хуршед Сатторов ва афзуд, ки дар ин чорабинӣ намоиши лухтакҳо ва расмҳо низ ба роҳ монда мешавад.

Маҷмӯи нави “Чакан” арзиши олии бадеӣ мебошад, ки дар ҷаҳони санъати ороишӣ ҷои намоёнро ишғол мекунад.

Ёдрас мешавем, ки гулдӯзии чакани Тоҷикистон ба феҳристи Мероси фарҳангии ғайримоддии ҷаҳонии Созмони ЮНЕСКО шомил шуд ва барои намоиш аз чаканҳои тарроҳи тоҷик Хуршед Сатторов низ 20 нусха ба созмони мазкур бурда шудааст.

“Chakan fashion show”, рӯзи 3 март, соати 18:00 дар меҳмонхонаи “Ҳаят Реҷенси” баргузор мегардад.

Источник: sputnik-tj.com

We cannot display this gallery