Қирғизистон шаш шаҳрванди Тоҷикистонро таҳти пайгард қарор медиҳад

0
182

Қирғизистон шаш шаҳрванди Тоҷикистонро таҳти пайгард қарор медиҳад

Дар рӯйдоде бесобиқа ва дар паи ҳаводиси ахир дар марзи Тоҷикистон ва Қирғизистон, мақомоти кишвари ҳамсоя 6 шаҳрванди тоҷикистониро таҳти таъқиб қарор доданд

ДУШАНБЕ, 24 янв — Sputnik. Мирлан Каниметов, муовини вазири кишвари Қирғизистон дар ҷаласаи Парлумони ин кишвар дар ин бора муддаӣ шуд, ки шаҳрвандони Тоҷикистон, дар марзи муштарак мазнун ба эҷоди даргирӣ бо шаҳрвандони Қирғизистон ҳастанд, иттилоъ додааст сомонаи “Parstoday” дар истинод ба хабаргузории “Авесто”.

Мирлан Каниметов афзуд ин афрод сокинони рустоҳои марзӣ ҳастанд ва мо феҳристе аз ононро таҳия ва ин масъаларо ба намояндагони ниҳодҳои қудратии Тоҷикистон гузориш кардаем.

Ба гуфтаи муовини вазири кишвари Қирғизистон, созмонҳои қазоӣ ва амниятии Тоҷикистон таҳқиқоти ҷиноӣ дар бораи охирин даргирӣ дар марзро дар дастури кор қарор додаанд.

Пас аз ҳодисаҳои ахир дар марзи ду кишвари ҳамсояи Тоҷикистон ва Қирғизистон, идораи пулиси Ботканд дар ҷануби Қирғизистон, чор шаҳрванди қирғизро ба гумони таҳрики даргирӣ боздошт кард.

Боздошти ин афрод бо эътирозҳое дар ҷомеаи Қирғизистон ҳамроҳ будааст.

Источник: sputnik-tj.com