ИНТИХОБОТ-2020. Дар Ҷумҳурии Тоҷикистон интихоботи вакилони Маҷлиси намояндагони Маҷлиси Олӣ баргузоргардида ҳисобида шуд

0
119

ИНТИХОБОТ-2020. Дар Ҷумҳурии Тоҷикистон интихоботи вакилони Маҷлиси намояндагони Маҷлиси Олӣ баргузоргардида ҳисобида шуд

ДУШАНБЕ, 01.03.2020. /АМИТ «Ховар»/. Дар Ҷумҳурии Тоҷикистон интихоботи вакилони Маҷлиси намояндагони Маҷлиси Олӣ баргузоргардида ҳисобида шуд. То соати 15:00 дар саросари мамлакат 3 млн  703 ҳазору  969 нафар ё 75,1 % интихобкунандагон дар интихобот иштирок карданд. Дар ин бора Раиси Комиссияи марказии интихобот ва раъйпурсии Ҷумҳурии Тоҷикистон /КМИР/ Бахтиёр Худоёрзода ба АМИТ «Ховар» иттилоъ дод.

Интихобот дар сурате баргузоршуда ҳисобида мешавад, ки агар зиёда аз 50% интихобкунандагон ба участкаҳои интихоботӣ ҳозир шаванд. 75,1 % овоз додани интихобкунандагон аз он шаҳодат медиҳад,  ки фарҳанги сиёсӣ ва ҳуқуқии сокинони Ҷумҳурии Тоҷикистон хеле боло рафта, онҳо дар чунин маъракаҳои сиёсӣ бо дарки масъулияти баланди шаҳрвандӣ иштирок менамоянд.

Раванди овоздиҳӣ то соати 20:00 дар 3412 участкаҳои интихоботӣ идома меёбад.

Бино ба маълумоти Бахтиёр Худоёрзода, то ин соат ба КМИР ягон муроҷиат ва шикоят ворид нагардидааст.

Доир ба ҷараёни овоздиҳӣ имрӯз, 1 март мустақиман соати 18 низ хабар дода мешавад.

Маълумоти тоза доир ба иштироки интихобкунандагон соати 18:00 пешниҳод мегардад.

ИНТИХОБОТ-2020. Дар Ҷумҳурии Тоҷикистон интихоботи вакилони Маҷлиси намояндагони Маҷлиси Олӣ баргузоргардида ҳисобида шуд

Источник: khovar.tj