1 ноябр Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бинои Раёсати Агентии иҷтимоӣ ва нафақаи назди Ҳукумати Ҷумҳуриии Тоҷикистонро дар ноҳияи Қубодиён ба истифода доданд.
Бинои мазкур дар деҳоти ба номи Носири Хусрав, дар масоҳати 0,12 садяк замин аз тарафи Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон сохта шудааст.
Бино аз 2 ошёна иборат буда, дар ошёнаҳои якуму дуюм китобхона, бойгонӣ, ҳуҷраи кории мутахассиси бахши баҳисобгирии инфиродӣ, кор бо соҳибкорони инфиродӣ, равзанаи ягона, 6 ҳуҷраи корӣ ва толори маҷлис ҷойгир мебошад.
Ҳуҷраҳои кории Раёсати Агентии суғуртаи иҷтимоӣ ва нафақаи назди Ҳукумати Ҷумҳуриии Тоҷикистон дар ноҳия пурра бо таҷҳизоти корӣ, аз ҷумла мизу курсӣ, техникаи компютерӣ, чопӣ ва дигар лавозимот таъмин карда шудааст.
Аснои шиносоӣ Президенти мамлакат муҳтарам Эмомалӣ Раҳмон аз шароити муҳайёгардида, дар бинои мазкур изҳори қаноатмандӣ намуда, масъулинро барои боз ҳам беҳтар ба роҳ мондани фаъолияту хизматрасонӣ ҳидоят намуданд.
Источник: president.tj
