ДУШАНБЕ, 19.02.2020. /АМИТ «Ховар»/. Чанд лаҳза пеш дорандаи медалҳои нуқраи чемпионати Тоҷикистон-дастаи футболи «Хуҷанд»-и Хуҷанд аввалин бозиашро дар доираи плей-оффи Ҷоми Конфедератсияи футболи Осиё-2020 дар сафар ба муқобили дастаи «Нефтчӣ»-и Қирғизистон баргузор намуда, бо ҳисоби 1:0 мағлуб шуд. Дар ин бора шореҳи варзиши АМИТ «Ховар» Меҳрони Қурбон хабар медиҳад.
Дастаи футболи «Хуҷанд»-и Тоҷикистон бозии ҷавобияшро дар плей-оффи Ҷоми Конфедератсияи футболи Осиё-2020 26 феврал дар Варзишгоҳи марказии ҷумҳуриявии шаҳри Душанбе баргузор мекунад. Бозӣ бо дархости дастаи футболи «Хуҷанд» бинобар омодагӣ ба ҷашни Наврӯз дар варзишгоҳи «20-солагии Истиқлолияти Тоҷикистон»-и Хуҷанд ба Душанбе гузаронида шуд.
Дар сурати пирӯзӣ дастаи «Хуҷанд» ба ҳаққи ширкат дар марҳилаи гурӯҳии ин мусобиқаи қитъавӣ мушарраф шуда, дар гурӯҳи «D» бо дастаҳои «Истиқлол»-и Тоҷикистон, «Олтин Асир»-и Туркманистон ва «Дордой»-и Қирғизистон рақобат мекунад.
Источник: khovar.tj
