Дар шаҳри Хуҷанд Маркази рушди расонаҳои нав таъсис меёбад

0
37

Дар шаҳри Хуҷанд Маркази рушди расонаҳои нав таъсис меёбад

Гуфта мешавад, ки таъсиси Маркази медиажурналистика ва рушди расонаҳои нав ҷиҳати ташкили маркази илмӣ-таълимӣ, ки ба даъватҳои муосир дар соҳаи журналистика ҷавобгӯй хоҳад буд, замина фароҳам меорад

ДУШАНБЕ, 1 фев — Sputnik. Дар назди Донишгоҳи давлатии Хуҷанд ба номи академик Бобоҷон Ғафуров Маркази медиажурналистика ва рушди расонаҳои нав таъсис меёбад.

Дар ин бора зимни ҷаласаи Шӯрои олимони донишгоҳ қарор қабул шудааст.

Хадамоти матбуотии раиси вилояти Суғд, хабар медиҳад, ки ҷаласаи Шӯрои олимони донишгоҳ таҳти раёсати ректори донишгоҳ Ҷӯразода Ҷамшед Ҳабибулло доир гардида, дар доираи он панҷ масъала мавриди баррасӣ қарор гирифтааст.

“Аз ҷумла, дар кори Шӯро масъалаи зарурият ва аҳамияти таъсиси Маркази медиажурналистика ва рушди расонаҳои нав дар назди донишгоҳ мавриди баррасӣ қарор гирифт”, – омадааст дар хабарнома.

Маврид ба зикр аст, ки Маркази мазкур бо дарназардошти рушди устувори расонаҳои хабарӣ, ки бо суръати баланд бар пояи технологияҳои иттилоотӣ амалӣ мешаванд ва дар ин замина халалдор шудани таносуби тарбияю омода кардани кадрҳои ҳирфаии журналистии муосир, камбуди онҳо дар бозори ВАО ва адами мавҷудияти пажӯҳишҳои илмӣ дар соҳаи рӯзноманигории рақамӣ ва расонаҳои нав дар назди донишгоҳ таъсис меёбад.

Гуфта мешавад, ки таъсиси Маркази медиажурналистика ва рушди расонаҳои нав ҷиҳати ташкили маркази илмӣ-таълимӣ, ки ба даъватҳои муосир дар соҳаи журналистика ҷавобгӯй хоҳад буд, заминаи мусоид фароҳам меорад.

Источник: sputnik-tj.com