Боздошти қаллобзани 28 – сола: 54 ҳазор доллари сокини пойтахтро гирифта, барнагардонд

0
88

Боздошти қаллобзани 28 - сола: 54 ҳазор доллари сокини пойтахтро гирифта, барнагардонд

Боздоштшуда қаблан низ барои содир намудани ҷинояти қаллобӣ бо моддаи 247 қисми 4 Кодекси ҷиноятии Тоҷикистон суд шуда буд

ДУШАНБЕ, 10 мар — Sputnik. Кормандони милитсия сокини 28 – солаи шаҳри Бӯстонро бо гумонӣ қаллобӣ боздошт намуданд, хабар медиҳад котиботи Вазорати умури дохилии Тоҷикистон.

Ба иттилои манбаъ, номбурда аз моҳи октябри соли 2018 то моҳи июни соли 2019 бо роҳи фиреб аз сокини 63 – солаи пойтахт маблағи калон гирифта, бозпас надодааст.

Ҳаҷми умумии маблағи гирифташуда аз сокини кӯчаи Шамси шаҳри Душанбе ба 54 ҳазор доллар баробар аст.

Манбаъ меафзояд, боздоштшуда қаблан низ айнан барои содир намудани ҷинояти қаллобӣ бо моддаи 247 қисми 4 Кодекси ҷиноятии Тоҷикистон суд шуда буд.

ВУД Тоҷикистон мегӯяд, нисбати гумонбаршуда тибқи моддаи 247 қисми 4 Кодекси ҷиноятии Тоҷикистон парвандаи ҷиноӣ оғоз гардида, тафтишот идома дорад.

Источник: sputnik-tj.com