Ҳалокати пиёдагард дар назди бозори “Баракат”

0
48

Ҳалокати пиёдагард дар назди бозори “Баракат”

Дар рӯ ба рӯи бозори “Баракат” дар роҳи нақлиётгарди “Ғафуров-Хуҷанд” ронандаи мошини ҷип пиёдагарди 37-соларо пахш намуд

ДУШАНБЕ, 23 янв — Sputnik. Бино бар иттилои дафтари матбуоти Вазорати умури дохилаи Тоҷикистон ҳодисаи мазкур рӯзи 21-уми январи соли равон, дар роҳи нақлиётгарди “Ғафуров-Хуҷанд” рух додааст.

Таъкид шудааст, ки ронандаи автомашинаи тамғаи “Хонда СРВ”, Ибрагимов Соҳиб, сокини ҷамоати деҳоти Унҷии ноҳияи Бобоҷон Ғафуров, ҳангоми ҳаракат дар роҳи нақлиётгарди “Ғафуров-Хуҷанд”, дар рӯ ба рӯи бозори “Баракат” бехатарии ҳаракати роҳро таъмин карда натавонист.

дар натиҷа ба иттилои ВУД-и Тоҷикистон, пиёдагард Кӯканбек Тоҳир Азим, соли таваллудаш 1982, сокини ноҳияи Роштқалъаро, ки аз тарафи чапи роҳ ба рости роҳ мегузашт, пахш намудааст. 

Манбаъ таъкид доштааст, ки дар натиҷа пиёдагард Кӯканбек Тоҳир, ҷароҳати вазнини ҷисмонӣ бардошта, дар ҷойи ҳодиса ба ҳалокат мерасад.

Дар ҳоли ҳозир, аз ҷониби кормандони милитсияи Тоҷикистон таҳқиқоти ин ҳодиса идома дорад.

Источник: sputnik-tj.com