Ҳалокати комиссари ҳарбии шаҳри Гулистон дар садамаи нақлиётӣ

0
225

Ҳалокати комиссари ҳарбии шаҳри Гулистон дар садамаи нақлиётӣ

Манучеҳр Шокиров, комиссари ҳарбии шаҳри Гулистон дар пайи садамаи нақлиётии мудҳише, ки дар  шоҳроҳи Хуҷанд – Истаравшан рух дод ба ҳалокат расидааст.

ДУШАНБЕ, 27 апр – Sputnik. Аз Бозрасии давлатии автомобилии вилояти Суғд ба Sputnik Тоҷикистон гуфтанд, яке аз ҳашт нафари фавтида дар садамаи нақлиёт Манучеҳр Шокиров, комиссари ҳарбии шаҳри Гулистон мебошад.

Ба иттилои манбаъ, ҳодиса нимаи рӯзи 25-уми апрел дар километри 245 -уми роҳи мошингарди Душанбе – Чаноқ воқеъ дар ҳудуди даромадгоҳи шаҳри Истаравшан рух додааст.

Манбаъ мегӯяд, Шокиров Манучеҳр, сокини ноҳияи Зафаробод ҳангоми ҳаракат аз самти шаҳри Истаравшан ба  шаҳри Хуҷанд, дар роҳи мошингарди Душанбе -Чанок аз уҳдаи идора намудани воситаи нақлиёт набаромада, ба самти муқобили роҳ баромада, ба автомашинаи тамғаи “Opel -Vectra”, таҳти идораи Хоҷамуродов Бахтиёр, сокини дигари ноҳияи Зафаробод, бархӯрдааст.

Гуфта мешавад, дар пайи ин садама ронандаву мусофирони ҳарду мошин, ҷамъ 8 нафар ба ҳалокат мерасанд.

Вазорати корҳои дохилии Тоҷикистон низ дар шарҳи расмии ин садама гуфт, таҳқиқ идома дорад.

Источник: sputnik-tj.com