100 долларӣ сари ҳар ятим: кумаки ҳармоҳаи Ҳилоли Аҳмар ба 500 ятим дар Тоҷикистон

0
85

100 долларӣ сари ҳар ятим: кумаки ҳармоҳаи  Ҳилоли Аҳмар ба 500 ятим дар Тоҷикистон

Ҳилоли Аҳмар барои 500 ятими кулл дар Тоҷикистон кумаки ҳармоҳа ба маблағи 100 доллар таъйин кардааст

ДУШАНБЕ, 2 июн – Sputnik. Кӯмакпулии ҳармоҳаро ятимони кулл сар аз 4 – уми феврали соли ҷорӣ дастрас мекунанд.

Бар хабари котиботи Ҷамъияти мазкур, Ҳилоли Аҳмари Тоҷикистон ва Маркази Шоҳ Салмон оид ба имдод ва корҳои башардӯстонаи Шоҳигарии Арабистони Саудӣ созишномаи ҳамкорӣ ба тасвиб расонданд, ки тибқи он сар аз  4 феврали соли 2020 ба 500 нафар ятим ҳармоҳа 100 доллари амрикоӣ бо дарназардошти қурби асъори миллӣ дар рӯзи пардохт, дода мешавад.

Манбаъ тавзеҳ медиҳад, ки мӯҳлати созишномаи ҳамкорӣ як солро дарбар мегирад.

Зикр мегардад, 500 ятими кулл, ки дар тарбияи пайвандони худ қарор доранд, аз шаҳру ноҳияҳои Кӯлоб, Восеъ, Бохтар, Кушониён, Вахш, Левакант, А. Ҷомӣ, Шаҳритуз, Норак, Ёвон, Дустӣ, Хуросон, Ҷ. Балхӣ, Панҷ, Қубодиён ва Ҷайҳун дар ҳамкорӣ бо мақомоти иҷроияи ҳокимияти давлатии шаҳру ноҳияҳои зикргардида интихоб карда шуданд.

Маблағи кумакпулӣ ба ятимон тавассути Бонки давлатии амонатгузории Ҷумҳурии Тоҷикистон “Амонатбонк” ба суратҳисоби ятимон ҳармоҳ интиқол дода мешавад.

Қобили зикр аст, маблағи зирггардида барои таъмини ҳифзи саломатии ятимон, маводи хурока ва ашёву асбоби хониши онҳо аз тарафи сарпарастони онҳо масраф карда мешавад.

Источник: sputnik-tj.com